Naser Aliji po kalon një moment shumë të mirë në kampionatin rumun dhe së fundmi është kthyer në protagonist për skuadrën e tij. një asist në minutën e 87 të takimit, e ka ndihmuar Voluntarin të fitojë në transfertë me rezultatin 2-3 ndaj Universitet Kraiova.

Aliji ka krosuar nga e majta në drejtim të zonës, aty ku ka gjetur të lirë shokun e tij të skuadrës, Florea për të barazuar rezultatin. Vetëm 1 minutë para fundit, skuadra e Alijit ka përmbysur rezultatin në 2-3.

Për Alijin ky ishte asisti i 5 sezonal ndërkohë që ka shënuar edhe një gol në kampionat. Aliji është kthyer në lojtarin më të rëndësishëm për skuadrën e tij në garën për një vend në kualifikueset e Ligës së Konferencës, pasi diferenca është vetëm 4 pikë ku kanë mbetur edhe 3 ndeshje deri në fund.

PANORAMASPORT.AL

NDIQE LIVE "PANORAMA TV"

---