VIDEO/ Partizani “poker” në moçal, Kastrioti dorëzohet pa kushte
Partizani ka mposhtur Kastriotin me rezultatin 2-4 në takimin e vlefshëm për Kupën e Shqipërisë. Festival golash në “Redi Maloku” në sfidën e zhvilluar në kushtë skandaloze.
Të parët që shënuan ishin vendasit me anë të Jurgen Vatnikajt, i cili më një goditje fluturimthi në hyrje të zonës, e dërgo topin në trekëndësh.
I çuditshëm është fakti që pas shënimit të golit skuadra e trajnerit Devolli pati një shthurje të pakuptimtë duke pësuar 2 gola totalisht të evitueshëm në minutat e 31-të dhe 41-të me autor Hebajn dhe Mensah. Pjesa e parë u mbyll me rezultatin 1-2 në favor të Partizanin.
Të kuqtë nuk ishin të kënaqur me epërsinë e një goli, teksa në minutën e 70-të, Trashi i çoi shifrat në 1-3. Vetëm pak sekonda më pas, vendasit rihapën sërish takimin me golin e Shehut, që goditi bukur me kokë nga brenda zonës.
Për t’i vendosur kapakun sfidës mendoi Hebaj, i cili në minutën e 75-të, realizoi golin e dytë personal dhe të katërtin për Partizanin. Me triumfin e sotëm, ndeshja e kthimit për Partizanin duket thjesht një formalitet.
KASTRIOTI-PARTIZANI 2-4
Vatnikaj 13′, Shehi 71′ / Hebaj 31′, 75′, Mensah 41′, Trashi 70′
KOMENTI LIVE:
75′ GOOOOL PARTIZANI 2-4. Ruben Hebaj shënon golin e dytë personal dhe të 4-tin për Partizanin. Pas një topi të harkuar nga e majta, sulmuesi shkodran nuk ka falur nga brenda zonës duke shënuar me lehtësi.
71′ GOOOL KASTRIOTI 2-3. Juljan Shehu ngushton diferencën vetë disa sekonda pas golit të Trashit. Pas një harkim nga e djathta, Shehu godet bukur me kokë duke mposhtur portierin Xhika.
70′ GOOOL PARTIZANI 1-3. Lorenc Trashi trefishon rezultatin. Pas një gabimi të portierit Puja, i cili ja dorëzon topin lehtësisht futbollistëve të Partizanit, që nuk falin duke shënuar për herë të tretë.
66′ Zëvendësim i tretë edhe te Kastrioti, largohet Husein, në lojë Caca.
65′ Zëvendësim i tretë te Partizani, largohet nga fusha e lojës Mensah, vendin e tij e zë Jurgen Bardhi.
61′ Rrëmujë në zonën e Kastriotit, Labinot Ibrahimi nuk arrin të përfitojë, teksa më pas shkakton faull.
60′ Zëvendësim te Kastrioti, largohet Vatnikaj, në lojë Taulant Marku.
56′ Zëvendësimi i dytë në radhët e të kuqve largohet Atanda në fushë Lorenc Trashi.
55′ Pranë golit Kastrioti me Herald Markun, gjuajtja e futbollistit krutan shkon ngjitur me shtyllën.
46′ Starton pjesa e dytë.
Mbyllet pjesa e parë.
44′ Zëvendësim i parë te Partizani, largohet portieri Alban Hoxha, në fushë Dashamir Xhika.
41′ GOOOL PARTIZANI 1-2. Të kuqtë përmbysin rezultatin me Mensah. Shthurrje totale e mbrojtjes së Kastriotit. E pashpjegueshme, por Mensah bën qejf në zonën krutane dhe i vetëm me portierin, i pa markuar nga mbrojtësit, shënon lehtësisht.
40′ Rast ideal për Partizanin. Mensah del i vetëm përballë portierit, gjuan, por topi ngec në llucë, duke shpëtuar Kastriotin nga pësimi i golit të dytë.
33′ Zëvendësim te Kastrioti, largohet Ymeraj në fushë Rami.
31′ GOOOL PARTIZANI 1-1. Hebaj vendos baraspeshën për të kuqtë pas një gjuajtje të bukur në hyrje të zonës, topi i ka shpëtuar nga duart portierit Puja dhe ka përfunduar në rrjetë.
26′ Pranë golit të barazimit Partizani. Kote provone me një gjuajtje të rrezikshme nga distanca, topi ndalet në shtyllë, Çinari i ndodhur pranë portës nuk arrin ta dërgojë sferën në rrjetë.
24′ Pranë golit të dytë Kastrioti. Patrik Bardhi provon me një gjuajtje fluturimthi, por topi devijohet nga mbrojtësit e Partizanit dhe shkon jashtë kuadratit.
21′ Partizani provon të reagojë. Kalari harkon një top të rrezikshëm nga goditja e dënimit në krahun e majtë, topi largohet nga mbrojtësit krutanë që tregohen tepër të vëmendshëm.
13′ GOOOL KASTRIOTI 1-0. Supergol i vendasve pas një goditje dënimi. Julian Shehu kroson në zonë dhe sulmuesi Jurgen Vatnikaj me një goditje fluturimthi në hyrje të zonës, e dërgon topin në trekëndësh.
4′ Partizani provon të rrezikojë me Mensah, por ky i fundit, pasi shmang portierin Puja, nuk arrin të koordinohet siç duhet.
1′ Ka startuar takimi, Kastrioti luan topin e parë nga qendra.
14:20 Mbërrin ambulanca, ndeshja fillon me 20 minuta vonesë.
14:00 Kanë kaluar 15 minuta nga orari zyrtar, por sfida nuk ka nisur ende për shkak të mungesës së ambulancës.
FORMACIONET ZYRTARE:
KASTRIOTI: Puja, Husein, Shehi, Çela, Ndreca, Neziri, Shehi, Ymeraj, Bardhi, H.Marku, Vatnikaj. Trajner: Bledar Devolli
PARTIZANI: Hoxha, Belica, Ibraihimi, Atanda, Rexhepi, Kalari, Kote, Hila, Çinari, Mensah, Hebaj. Trajner: Skënder Gega.
