Reali nuk ka rivalë në Champions! Madrilenët e Karlo Ançelotit mposhtën me rezultatin 0-2 Borusian e Dortmundit në finalen e madh të eChampions-it duke siguruar kështu trofeun e 15-të në histori. 

Pjesa e parë foli për gjermanët, të cilët krijuan shumë raste të pastra shënimi, duke goditur edhe shtyllën, por fati nuk ishte me verdhezinjtë. 

Ndërkohë fragmenti i dytë i lojës, foli më së shumti për Realin, që arriti të shënonte 2 herë me Karvahal dhe Vinicius duke festuar kështu Champions-in e 15-të.  

FT: BORUSIA DORTMUND – REAL MADRID 0-2

Kavahal 74′, Vinicius 83′

KOMENTI LIVE: 

Mbyllet finalja! 

90′ Akordohen 5 minuta shtesë!

87′ Fylkryg tund rrjetën, por goli anulohet për pozicion jashtë loje. Nuk vlen festa e verdhezinjve. (VIDEO) 

83′ GOOOOL REALI 0-2/ Sërish gol në “Wembly”, Vinicius Zhunior dyfishon shifrat, pas asistit të Bellingham, duke çuar në delir tifozët madrilenë. (VIDEO) 

81′ Reali merr zemër pas golit të shënuar, Kamavinga për pak sa nuk shënon një eurogol, vendimtare pritja e Kobel. (VIDEO) 

77′ Pranë golit të dytë Reali me Bellingham, vendimtar devijimi i Shotebek, që largon rrezikun në këndore! (VIDEO) 

74′ GOOOOOL REALI 0-1/ Zhbllokohet finalja, Karvahal, kalon në avantazh madrilenët. Pas një harkimi nga këndi, mbrojtësi spanjoll devijoi saktë me kokë, duke përshëndetur rrjetën! (VIDEO)

72′ Zëvendësim te Dortmundi, largohet Adejemi, në vendin e tij Rojs.

69′ Bellingham për pak sa nuk shënon golin e avantazhit, mesfushori anglez ishte vetëm disa centimetra larg devijimit fatal të topit (VIDEO) 

63′ Adejemi kroson në zonë për Fylkryg, i cili provon me kokë, por grushton mjaft bukur Kurtua. (VIDEO)

57′ Tjetër mundësi shënimi për Realin, kësaj here ishte Karvahal, por tentativa e tij u ndal nga portieri. (VIDEO) 

49′ Pranë golit Reali me Toni Kros, që provoi me një tentativë nga goditja e dënimit, por reagim mjaft i mirë i portierit Kobel, që largoi rrezikun në këndore. (VIDEO) 

46′ Starton pjesa e dytë!

Mbyllet pjesa e parë! 

45′ Akordohen 4 minuta shtesë!

43′ E pëson edhe Sabicer, mesfushori ndëshkohet për protesta ndaj anësorit.

41′ Dortmundi nuk heq dorë nga sulmet e rrezikshme dhe provon me Sabicer, por tentativa e tij ndalet nga Kurtua! Topi shkon në këndore. (VIDEO) 

40′ Shoterbek është i ndëshkuari i radhës, për protesta.

34′ Vinicius Zhunior është i ndëshkuari i parë i sfidës me karton të verdhë, për ndërhyrje të gabuar ndaj portierit Kobel.

28′ Tjetër rast goli për Dortmundin, me protagonist Adejemin, por kësaj here ishte Kurtua që i tha “jo”, sulmuesit gjerman. (VIDEO) 

23′ Minuta fantastike për Dortmundin, shtylla i mohon golin gjermanëve. Të pafat verdhezinjtë në këto momente. Ishte Fulkryg ai që “flirtoi” me avantazhin, por u ndal nga shtylla. (VIDEO) 

21′ E pabesueshme çfarë humbet Adejemi, i vetëm përballë Kurtua! Rast i artë për gjermanët (VIDEO) 

20′ Minuta më të mira për Realin, me madrilenët që marrin “frenat” e lojës në dorë dhe ushtrojnë presion të vazhdueshëm në zonën e gjermanëve.

15′ Provon Vinicius me një gjuajtje nga brenda zonës, por topi shkon shumë larg kuadratit.

13′ Loja është e përqëndruar në mesfushë, ende asnjë rast i rrezikshëm në portat respektive. Skuadrat tregohen të kujdesshme.

6′ Dortmundi shfaqet më kërkues në këto minuta, duke fituar goditjen e parë nga këndi.

3′ Pas disa momenteve ndalese për shkak të futjes së tifozëve, ndeshja nga rifilluar sërish!

1′ Ndeshja nis në mënyrë të çuditshme, disa tifozë futen në fushë dhe vrapojnë drejt lojtarëve për të pozuar me ta. Ndalet për disa momente finalja. (VIDEO)

1′ Starton finalja, atmosferë elektrizuese në “Uembli”.

FORMACIONET ZYRTARE

BORUSIA DORTMUND: Kobel, Rjerson, Humels, Skolterbek, Matsen, Sabitcer, Emre Can, Sanço, Brandt, Adejemi, Fulkryg.
Trajner: Edin Terziç

REAL MADRID: Kurtua, Karvahal, Rydiger, Naço, Mendi, Kamavinga, Valverde, Kros, Belingam, Rodrigo, Vinicius.
Trajner: Karlo Ançeloti

📋✅ ¡Nuestro 𝗫𝗜 inicial para la final!
🆚 @BVB#UCLfinal | #APorLa15 pic.twitter.com/2B4HyEtdNa

— Real Madrid C.F. (@realmadrid) June 1, 2024

PANORAMASPORT.AL

NDIQE LIVE "PANORAMA TV"

---