VIDEO/ Stërvitje me dyer të hapura për Kombëtaren, as shiu nuk ndal tifozët e kuqezinjve
Kombëtarja shqiptare e futbollit sot ka zhvilluar dy seanca stërvitore në Kaiserau të Gjermanisë ku është e grumbulluar, me të dytën që ishte me të vërtetë e veçantë për kuqezinjtë. Kjo, pasi ajo është zhvilluar me dyer të hapura për të gjithë tifozët që dëshironin të shihnin në veprim Kombëtaren teksa përgatitej për pjesëmarrjen në Euro 2024.
Edhe pse reshjet e shiut nuk pushuan gjatë pasdites, shumë tifozë të Kombëtares ishin të pranishëm në këtë stërvitje, duke parë nga afër idhujt e tyre, duke bërë foto e marrë autografe prej tyre, për një pasdite të paharrueshme për ta.
👌 Një seancë ndryshe ajo e pasdites për Kombëtaren, pasi ishte e hapur për tifozët që takuan lojtarët, stafin e 🇦🇱, pavarësisht reshjeve të shiut.
👉 Të pranishëm ishin edhe Presidenti i Federatës, Armand Duka, si dhe Kryetarja e Bashkisë së Kamen, Elke Kappen. pic.twitter.com/ggTu4Dxgsw
— FSHF (@FSHForg) June 10, 2024
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)