Vllaznia duhet të marrë masat, Valuri në formë dhe në mes të kampionatit
Shorti i Ligës së Konferencës nuk ka qenë fatsjellës për Vllazninë, pasi goglat u kanë vënë përballë islandezët e Valurit. Kundërshtari i shkodranëve është në mesin e sezonit në kampionatin islandez, kështu që kjo konsiderohet një minus i madh për Vllazninë që vjen përballë Valurit vetëm me një fazë të shkurtër stërvitore që u zhvillua në Bosnjë.
Valuri po kalon një formë të mirë në kampionat, pasi pas 14 javësh mban vendin e dytë në renditje me 28 pikë, pesë më pak se kryesuesit e Vikingurit. Në 14 javët e zhvilluara kundërshtari i Vllaznisë ka arritur 8 fitore, 4 barazime dhe 2 humbje, me golavarazh 36-18. Valuri ka shpërthyer në ndeshjen e fundit të kampionatit, ku fituan me rezultat 4-0 ndaj Fylkir, skuadër që mbyll tabelën në kampionatin islandez. Golat për Valurin në këtë ndeshje u shënuan nga Gylfi Siguroson, dy nga Patrik Pedersen, si dhe Adam Palson.
Nga shtatë ndeshjet e zhvilluara deri tani në shtëpi në kampionat, Valuri nuk njeh humbje, pasi ka marrë 4 fitore dhe 3 barazime. Duke parë këto statistika të momentit, i bie që Vllaznia do të përballet me një ekip që është në mesin e kampionatit dhe që gëzon formë të mirë.
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)