Bajern Mynih ka plane ambicioze dhe dëshiron të forcojë ofensivën për sezonin e ardhshëm me një tjetër lojtar të klasit të lartë. Tashmë është bërë sinjali i parë me Mishel Olise, por drejtuesit e bavarezëve kanë në sy një tjetër talent botëror.

Siç raportohet tani, ka një plan konkret se si do të duken në fazën goditëse sezonin e ardhshëm. Bajerni aktualisht është i lidhur me shumë sulmues. Ksavi Simons është lakuar së fundmi mbi transferimin në Mynih, veçanërisht në listën e dëshirave të skuadrës rekordmene në Gjermani. Me Mishel Olise, edhe transferimi i parë ofensiv është në përfundim e sipër. Siç raporton reporteri i “Sky Sport.de”, Florian Pletenberg, trajneri Vinsent Kompani ka një plan të qartë në mendje sesi duhet të duket ofensiva e bavarezëve edicionin pasues. Sipas Pletenberg, bordi është ende duke punuar shumë për të sjellë Simons në Mynih. Prandaj, Kompani ka gjetur tashmë një vend për holandezin në sistemin e tij. Ai duhet të jetë në gjendje të përshpejtojë lojën në një pozicion qendror dhe nga njëra anë, të luajë pas Musialës ose të veprojë pranë Musialës.

Ksavi duhet të veprojë si “regjisor”. Olise, nga ana tjetër, duhet të rrotullohet në pozicionet e krahut sulmues së bashku me Leroi Sane. I riu francez mund të luajë si në të majtë ashtu edhe në të djathtë. Informacionet e “Sky” theksojnë se skuadra e Mynihut duhet të vazhdojë të japë fuqi të plotë kur bëhet fjalë për Simons. Prandaj, është planifikuar një hua me detyrim blerjeje, për të cilën një tarifë transferimi prej rreth 60 deri në 70 milionë euro do të paguhet në verën e vitit 2025. Megjithatë, Lajpcig gjithashtu ka shanse të mëdha për të marrë edhe një vit tjetër në huazim.

Sipas raportimeve të vazhdueshme të mediave, “demat” mbeten pozitivë pasi nuk kanë marrë ende asnjë refuzim nga vetë lojtari dhe e shohin veten pak përpara rekordmenëve të Gjermanisë në adresim të talentit holandez. Veçanërisht interesante është se Bajerni po konsideron Dani Olmo nga Lajpcigu si një alternativë ndaj Simons, pasi spanjolli ka një profil të ngjashëm lojtari. Sipas informacioneve të “Bild” , 26- vjeçari do t’i kushtonte një tarifë transferimi prej 60 milionë eurosh, kuotë e ngjashme me Simons.

PANORAMASPORT.AL

NDIQE LIVE "PANORAMA TV"

---