Mark Guehi, zbulimi i Anglisë në zemër të mbrojtjes në këtë Europian, është optimist për sfidën e së dielës kundër Sllovakisë, ndërsa qendërmbrojtësi i Kristal Palasit tha për besimin në kampin e “tre luanëve”.“Mendoj se ajo që ndërton besimin është bashkimi, performancat, fakti që nuk kemi humbur ende një ndeshje, gjë që është vërtet e rëndësishme. Mendoj gjithçka tjetër janë gjëra që nuk mund t’i kontrolloni vërtet. Sllovakët kanë disa lojtarë vërtet të mirë në ekipin e tyre, Lobotka është njëri që luan te Napoli. Unë mendoj se ata do të jenë një tjetër kundërshtar i vështirë, një sfidë e komplikuar, por është e rëndësishme që ne të jemi gati për këto sfida dhe të përballojmë çfarëdo intensiteti që ata do të sjellin”.

Ai u ndal të komentonte edhe aksidentin me biçikletë të shokut të skuadrës Entoni Gordon, i cili për pak sa nuk e privoi nga turneu sulmuesin e Njukasëllit.

“Unë në fakt isha duke folur me të, u ktheva dhe pashë një plagë të mëdha në mjekrën e tij, por ai është në rregull, ai është mirë. Merita e këtij grupi të bashkuar lojtarësh është e menaxherit, është meritë e lojtarëve të vjetër që kanë qenë këtu për kaq shumë kohë, për lejimin e lojtarëve si unë, të cilët nuk e kanë pasur atë përvojë në këtë nivel, duke na ndihmuar që të hyjmë dhe të ndihemi vetvetja”.

Anglia nuk ka një përvojë pozitive me penalltitë në turnetë e mëdha, por Guehi thotë se ata janë përgatitur për to.

“Po, kemi bërë shumë punë me penalltitë. Është e rëndësishme që të jemi gati. Ne i përgatisim gjithnjë ato në stërvitje. Ne nuk mendojmë se do të shkojmë tek ato të dielën, por nëse do të jetë nevoja do të jemi të mirëpërgatitur”.

PANORAMASPORT.AL

NDIQE LIVE "PANORAMA TV"

---