Olivier Zhiru po bëhet gati të luajë për herë të dytë në karrierë në gjysmëfinalet e Ligës së Kampioneve, me shpresën që gjërat të shkojnë si herën e parë kur fitoi trofeun me skuadrën e Çelsit.

Këtë herë, përballë në gjysmëfinale ka Interin, një derbi për Milanin ku ai është kthyer në pikën e referimit në sulm dhe padyshim që nuk do të jetë aspak e lehtë. Këtë e pranon edhe vetë lojtari në një intervistë për faqen e UEFA-s, ku shpreson që në aspektin personal, të vijojë ecurinë ndaj ”kushërinjve”.

“Stadiumi ‘San Siro’ është një vend special, sidomos kur bëhet fjalë për derbin, Pastaj është edhe prestigji i Ligës së Kampioneve që i shtohet fakti se do të jetë gjithsesi një milaneze në finale.

Në Serinë A kam shënuar tre gola në tre ndeshje ndaj Interit dhe kam dhënë edhe një apo dy asiste, ndaj statistikat e mia ndaj tyre janë të mira.

Por më kujtohet edhe humbja në Superkupë, ata na kanë dominuar plotësisht. Më ka mbetur në mendje, ndaj do të na duhet të luajmë në maksimumin tonë’, u shpreh Zhiru para duelit.

PANORAMASPORT.AL

NDIQE LIVE "PANORAMA TV"

---