Zyrtare/ Bajern Mynih zyrtarizon pasardhësin e Tomas Tuhel, Vincent Kompani nënshkruan një kontratë 3-vjeçare me klubin bavarez
Prej ditësh është përfolur tashmë që trajneri i ardhshëm i Bajern Mynih do të jetë Vincent Kompani. Megjithatë, deri në ditën e sotme nuk ka pasur ndonjë lajmërim të klubit bavarez, ku më në fund zyrtarizoi gjithçka me anë të një postimi në rrjetet sociale.
Kompani, që u largua nga klubi i Bërnlejt, pasi gjigandët gjerman paguan klauzolën prej 12 milion eurosh të lirimit të tij, ka nënshkruar një kontratë 3-vjeccare me Bajernin dhe këta të fundit kanë shpresa se trajneri belg do të mund t’i kthejë në majat e futbollit gjerman dhe europian siç kanë qenë jo më shumë se një sezon më parë.
Zgjedhja e Kompani nuk ka kaluar pa polemika, sepse shumë media kanë shprehur kritika në lidhje me këtë vendim, duke qenë se belgu sapo ra nga Premier Liga me ish-klubin e tij dhe shumë besojnë se akoma nuk e ka eksperiencën e duhur për të drejtuar një ekip si Bajerni.
SONI SALIHI-PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)