Postuar: Korrik 3, 2024 | 18:43
ZYRTARE/ Ballkani nuk di të ndalet në merkato, kampionët e Kosovës nënshkruajnë me një tjetër talent shkodran
Ballkani po tregohet shumë aktiv në merkato, ku ditën e djeshme zyrtarizuan nënshkrimin e bujshëm me mbrojtësin e djathtë, Geralb Smajli, nga skuadra e Vllaznisë.
Sot kampionët e Kosovës kanë arritur marrëveshjen me një tjetër shkodran. Bëhet fjalë për mesfushorin Uheid Hoxha.
23-vjeçari sezonin e kaluar luajti me skuadrën e Burrelit në Kategorinë e Parë, ndërsa në karrierën e tij ka qenë edhe te ekipet e Vllaznisë, Teutës dhe Besës. Hoxha ka nënshkruar një kontratë 1 vjeçare me opsion rinovimi edhe për një vit tjetër me klubin, dhe do të jetë menjëherë nën urdhrat e trajnerit Ilir Daja, ku si fillim do të përgatiten për raundin e parë kualifikues të Ligës së Kampioneve.
SONI SALIHI-PANORAMASPORT.AL
NDIQE LIVE "PANORAMA TV"![](http://www.panorama.com.al/sport/wp-content/static/klikoperkepanoramaonline.jpg)