ZYRTARE/ Finalizimi i transferimit, Skënderbeu konfirmon shitjen e futbollistit 22-vjeçar
Ivan Xhantu nuk do të jetë më lojtar i Skënderbeut për sezonin e ri. Sulmuesi do të vazhdojë karrierën në Danimarkë. Edhe pse akordi ishte arritur prej muajsh, klubi korçar ka zyrtarizuar transferimin e tij te Sonderjyske, nëpërmjet një postimi të bërë ditën e sotme në faqen zyrtare.
Një tjetër shitje kjo nga klubi i Skënderbeut, teksa nuk bëhen të ditura detajet e këtij transferimi dhe shifrat e tij. Korçarët e falenderojnë lojtarin për kontributin e dhënë, ndërsa i urojnë suksese në vazhdim.
“Faleminderit Ivan – suksese në rrugëtimin e ri në Danimarkë
Finalizohet transferimi i sulmuesit të Skënderbeut tek ekipi i Sonderjyske ne Superligën Daneze”, ka shkruar klubi korçar.
Sulmuesi 22-vjeçar në këtë sezon ka luajtur në 18 ndeshje, ka shënuar 1 gola dhe ka dhënë edhe 3 asiste.
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)