Teuta ka nisur përgatitjet për pjesën e mbetur të sezonit me sytë nga… e kaluara. Te bregdetarët po afrohen përsëri lojtarë të cilët kanë veshur fanellën e durrsakëve në edicionet e kaluara.

Fillimisht ishte Rubin Hebaj i cili firmosi për Teutën ndërsa sot, ashtu siç kishte paralajmëruar “Panorama Sport”, skuadrës i është bashkuar edhe mesfushori Florent Avdyli. Ky u fundit u largua nga Teuta si kampion për t’iu bashkuar Prishtinës, por nuk ia doli që të linte shenjë në futbollin kosovar dhe pas vetëm 6 muajsh, u largua nga ekipi kryeqytetas duke zgjedhur të kthehet përsëri në një klub të cilin e njeh shumë mirë dhe padyshim do të jetë një armë më shumë për Martinin të cilit i kanë munguar alternativat në mesfushë.

NJOFTIMI

KF Teuta konfirmon akordin me mesfushorin Florent Avdyli. Lojtari eksperiencën e fundit e ka me FC Prishtinën në BKT Superliga. Pas arritjes së marrëveshjes dhe zyrtarizimit të bashkëpunimit, Avdyli nga sot është bashkuar me skuadrën në Durrës ku po zhvillohen përgatitjet për ndeshjen ndaj Kastriotit.

PANORAMASPORT.AL

NDIQE LIVE "PANORAMA TV"

---