ZYRTARE/ Majk Tajson rikthehet në ring, legjenda e boksit do të ndeshet me ish-yllin e “YouTube” (VIDEO)
Majk Tajson rikthehet dhe njëherë në ring, kësaj radhe për t’u ndeshur me Xhejk Pol, ish-yllin e “YouTube” që po krijon një karrierë në ngritje në boks.
Lajmi është konfirmuar si fillim nga “Netflix”, i cili do ta transmetojë live këtë sfidë më 20 korrik në “AT&T Stadium” të Teksasit.
Ish-kampioni i botës i peshave të rënda, Majk Tajson, do të jetë 58 vjeç kur të vijë dita e ndeshjes, teksa Pol do të jetë 27 vjeç, me një diferencë prej 31 vitesh mes të dy boksierëve.
It’s JAKE PAUL vs. MIKE TYSON — yes, really! — in a LIVE BOXING event at AT&T Stadium you won’t want to miss. Airing live on Netflix Saturday, July 20 #PaulTyson pic.twitter.com/ULXVeCYeH6
— Netflix (@netflix) March 7, 2024
Komentet nga fansat nuk munguan, me disa prej tyre qe mezi prisnin të shihnin dhe njëherë në ring legjendën Majk Tajson, duke e cilësuar këtë betejë si ndeshjen e shekullit.
“Majku i Hekurt” është ndeshur 58 herë në karrierën e tij, duke fituar 50 sfida (44 prej tyre me “KO”), 6 të humbura dhe 2 herë pa fitues. Nga ana tjetër “Fëmija Problem” Pol ka zhvilluar 10 ndeshje në karrierën e tij, nga të cilat 9 i ka fituar dhe një e ka humbur.
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)