Postuar: Korrik 21, 2024 | 23:19
ZYRTARE/ Sebastjan Spahiu largohet nga Egnatia, zbulohet ekipi ku mund të firmosë
Sebastjan Spahiu është larguar nga Egnatia pasi nuk ishte në planet e trajnerit Edlir Tetova. Përmes një postimi në rrjetet sociale vetë lojtari ka konfirmuar largimin.
“Përshëndetje të gjithëve. Ju njoftoj që nga sot nuk jam më pjesë e KF Egnatia pasi arritëm një marrëveshje nga të dyja palët ta mbyllnim bashkëpunimin. Ishte kënaqësi të shkruaj historinë e klubit, të fitonim titullin kampion. Falenderoj ccdo tifoz rrogozhinas për përkrahjen e vazhdueshme, shokët e ekipit dhe presidentin Gim Demrozi”, shkruan ai.
Ndërkohë “Panorama Sport” mëson se mesfushori shkodran ka marrë një ofertë nga Elbasani dhe gjasat janë të mëdha që ai të firmosë me klubin verdheblu në ditët në vijim.
PANORAMASPORT.AL
NDIQE LIVE "PANORAMA TV"
![](https://www.panorama.com.al/sport/wp-content/static/klikoperkepanoramaonline.jpg)