Postuar: Qershor 30, 2024 | 23:50
ZYRTARE/ Spikati tek Erzeni, Agim Zeka firmos me Partizanin
Partizani ka kryer një lëvizje të rëndësishme në merkato, teksa ka zyrtarizuar Agim Zekën, i cili në sezonin e kaluar spikati me fanellën e Erzenit.
Nëpërmjet një postimi në faqen zyrtare, klubi i kuq bën me dije se 25-vjeçar ka nënshkruar një kontratë 2 vjeçare me opsion rinovimi edhe për një tjetër sezon. Zeka menjëherë është vënë nën urdhrat e trajnerit Orges Shehi teksa i është bashkuar skuadrës në qytetin e Pogradecit. Me fanellën e Erzenit, Zeka realizoi 5 gola si dhe regjistroi 4 asiste.
NJOFTIMI I KLUBIT:
𝐙𝐘𝐑𝐓𝐀𝐑𝐄
𝐀𝐆𝐈𝐌 𝐙𝐄𝐊𝐀 𝐕𝐈𝐒𝐇𝐄𝐓 𝐈 𝐊𝐔𝐐 
Partizani me kënaqësi njofton se ka arritur marrëveshjen për afrimin e futbollistit Agim Zeka. Sulmuesi nga Prishtina i bashkohet të kuqve pas një sezoni pozitiv te Erzeni, skuadër me të cilën realizoj 5 gola dhe dhuroj 4 asiste. 25 vjeçari ka nënshkruar një kontratë 2 vjeçare me opsion rinovimi edhe për një tjetër sezon. Zeka menjëherë është vënë nën urdhrat e trajnerit Orges Shehi teksa i është bashkuar skuadrës në qytetin e Pogradecit.PANORAMASPORT.AL
