ZYRTARE/ U aktivizua 12 ndeshje me fanellën e Vllaznisë, klubi shkodran ndërpret bashkëpunimin me mesfushorin 25-vjeçar
Mesfushori Alfred Ajdareviç nuk do të jetë më pjesë e Vllaznisë! 25-vjeçari u transferua me pritshmëri të larta nga skuadra suedeze e Orebros, duke iu bësuar edhe numri 10 në fanellë, por nuk arriti të përmbushte pritshmëritë, duke u aktivizua vetëm 8 ndeshje në kampionat, 2 në Kupë dhe 83 minuta në “Final 4”.
Gjatë aventurës së tij me Vllazninë, Ajdareviç regjistroi vetëm 1 asist. Lajmin e largimi të mesfushorit e zyrtarizon vetë klubi me një postim në rrjete sociale ku njofton mbylljen e marrëveshjes me lojtarin që bëhet largimi i dytë pas Bruno Gomes.
“KF Vllaznia konfirmon mbylljen e bashkëpunimit me futbollistin Alfred Ajdarevic dhe i uron suksese në karrierën e tij të mëtejshme futbollistike”, njofton klubi.
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)