Postuar: Maj 28, 2024 | 21:07
ZYRTARE/ Vllaznia mendon për të ardhmen, klubi shkodran “blindon” për 3 vite mesfushorin
Vllaznia mendon për të ardhmen! Ersi Zaganjori do të vijojë të jetë një futbollist i klubit shkodran. Janë vetë kuqeblutë që nëpërmjet një postimi në faqen zyrtare zyrtarizojnë rinovimin e kontratës me talentin e akademisë. Mesfushori 19-vjeçar ka firmosur një kontratë 3-vjeçare e cila skadon më 30 qershor 2027.
Zaganjori ishte një nga disa produkteve të akademisë që debutoi këtë sezon me ekipin e parë. Fantazisti luajti 4 ndeshje në Superiore, 1 në Kupë dhe 1 në Final Four, ndërsa ka qenë një prej lojtarëve më të rëndësishëm në ekipet e moshave. Kjo ishte lëvizja e dytë deri tani për Vllazninë, pas afrimit të Amir Kahrimanoviç nga Erzeni.
PANORAMASPORT.AL
NDIQE LIVE "PANORAMA TV"![](https://www.panorama.com.al/sport/wp-content/static/klikoperkepanoramaonline.jpg)