Atentatin me armë ku mbeti i plagosur Donald Trump gjatë një tubimi elektoral e ka dënuar edhe kryeministri Edi Rama. Me anë të një postimi në X, kreu i qeverisë shqiptare thotë se kjo është një ngjarje e tmerrshme dhe tragjedi për botën demokratike.
Është shqetësuese të dëshmosh – shkruan Rama- që një kandidat për President të Shteteve të Bashkuara të qëllohet duke folur në një tubim.
Rama shpreson se ‘kjo ngjarje e tmerrshme do të bashkojë Amerikën dhe të gjithë njerëzit e botës demokratike kundër të gjitha formave të dhunës’.
“Është shqetësuese të shohësh një kandidat për President të Shteteve të Bashkuara të qëllohet gjatë një tubimi, dhe të dëgjosh se një pjesëmarrës ka vdekur dhe disa të tjerë janë plagosur. Kjo është një tragjedi për botën demokratike. Ngushëllimet e mia shkojnë për ish-Presidentin Trump dhe familjen e tij. Ne të gjithë shpresojmë që kjo ngjarje e tmerrshme do të bashkojë Amerikën dhe të gjithë njerëzit e botës demokratike kundër çdo lloj forme dhune”, shkruan Rama.
NDIQE LIVE "PANORAMA TV" © Panorama.al
