Treni i Serbisë, i financuar nga Rusia, sapo është nisur drejtë Veriut të Mitrovicës
Në të, pos gazetarëve nga Serbia, ka edhe qytetarë të Serbisë. Drejtori i Zyrës së Kosovës në Serbi, Marko Gjuriq ka bërë përurimin e tij sot në ora 8:00, i cili më pas u nis drejt Kosovës.
Treni është i mbuluar me mbishkrimin e njëjtë “Kosova është Serbi” në gjuhë të ndryshme.
“Kosova eshte Serbi” ne trenin serb by GazetaExpress
Treni i Serbisë, dhuratë nga shteti i Rusisë, është nisur në drejtim të territorit të Republikës së Kosovës. Përpos udhëtarëve të tjerë, në trenini e dekoruar me simbole nacionaliste aty ishin edhe zyrtarë të Qeverisë së Aleksandër Vuçicit.
Disa njerëz, kryesisht gazetarë, u mblodhën sot në mëngjes në platformën 1 në një stacion hekurudhor në Beograd, për të parë trenin e parë pas luftës, që niset nga Beogradi në Mitrovicë, shkruan gazetametro.net
Drejtori i të ashtuquajturës Zyre për Kosovën, Marko Gjuriq tha se kjo linjë përmbush kërkesat e të rinjve në Mirovicë që duan të jenë të lidhur me Beogradin.
Nuk dihet se sa do të kushtojë bileta nga Beogradi në Mitrovicë.
“Treni nuk do të mund të jetë një provokim për Prishtinën, ashtu siç është e zbukuruar me trashëgiminë kulturore të botës”, tha Gjuriq.
Ndryshe, Zyra e cila udhëhiqet nga Gjuriq ka paralajmëruar se linja testuese hekurudhore Beograd – Mitrovicë do të vendoset nga 20 janari deri më 26 shkurt, e më pastaj do të vendoset nëse kjo linjë do të jetë e rregullt.
Treni do të operojë itinerarin Beograd-Mladenovac-Lapovo-Kragujevac-Kraljevo-Rashka-Mitrovicë.
Djuric me gazetarët udhëtuan me tren për Topçider.
Në vitin 2003 në kohën e fushatës zgjedhore në Serbi, ishte përuruar edhe një linjë e tillë, mirëpo treni nuk qarkulloi kurrë.
