Makinës së drejtoreshës së tatim-taksave në Bashkinë e Vlorës, Anjeza Shiko, iu është vendosur flaka gjatë mbrëmjes në garazhin, ku e kishte parkuar.
Siç shihet në video, xhami i përparmë i mjetit tip “Volkswagen” është i thyer, ndërsa është djegur pjesërisht.
Ngjarja ka ndodhur në lagjen “1 Maji” mbrëmjen e së dielës (7 prill), ndërsa në polici janë shoqëruar disa shtetas.
Njoftimi i policisë:
Mbrëmjen e djeshme, në lagjen “1 Maji”, Vlorë, ka rënë zjarr dhe është djegur një automjet tip “Volkswagen”, në pronësi të shtetases A. Sh., banuese në Vlorë (funksionare e bashkisë Vlorë).
Shërbimet e Policisë kanë shoqëruar në Komisariat, disa shtetas të dyshuar lidhur me ngjarjen.
Grupi hetimor po punon për zbardhjen e rrethanave të ngjarjes dhe përcaktimin e shkakut të rënies së zjarrit.
NDIQE LIVE "PANORAMA TV" © Panorama.al
