Ky është momenti kur largohet nga vendngjarja autori i dyshuar i cili qëlloi drejt automjetit të 42-vjeçarit, Rudolf Zefi mëngjesin e sotëm (14 Dhjetor) në zonën e Don Doskos.
Ai është larguar i qetë duke ecur në trotuar dhe ndez një cigare. Teksa largohet, autori i dyshuar nxjerr edhe celularin nga xhepi.
42-vjeçari ka qenë në automjet me vëllain e tij kur është qëlluar drejt makinës ku udhëtonin 6 herë me armë.
Rudolf Zefi ka denoncuar ngjarjen në Komisariatin numër 3 dhe ka deklaruar se nuk e njeh auturin dhe se s’ka konflikte me njeri.
“Më datë 14.12.2023, është paraqitur në Komisariatin e Policisë Nr. 3, shtetasi R. Z., 42 vjeç, i cili ka kallëzuar se në rrugën “Don Bosko”, rreth orës 06:45, një shtetas ende i paidentifikuar ka qëlluar me armë zjarri në drejtim të automjetit që drejtonte. Nga të shtënat me armë zjarri nuk ka persona të dëmtuar.
Grupi hetimor po punon për sqarimin e rrethanave të ngjarjes, identifikimin dhe kapjen e autorit”, njoftoi policia.
NDIQE LIVE "PANORAMA TV" © Panorama.al
