Panorama TV ka siguruar kërkesën e Sali Berishës, që Partia Demokratike të regjistrohet në KQZ si subjekt zgjedhur për zgjedhjet lokale të 14 majit.
Kërkesa është dorëzuar nga dy përfaqësuesit ligjor në KQZ, Ledio Nuraj dhe Franc Nuri.
“Në cilësinë e përfaqësuesve ligjorë të PD depozituam kërkesën për regjistrimin e subjektit zgjedhor të PD-së në zgjedhjet lokale. Kjo kërkesë është firmosur nga kryedemokrati Berisha. Kemi përgatitur edhe dokumentacionin ligjor, në bazë të afateve që janë vendosur, datës 6 mars.”, tha nje nga perfaqesuesit ligjore pas dorezimit te shkreses.
Shkresa mban firmën e Sali Berishës dhe thuhet se i kanë paraqitur KQZ dokumentacionin provues mbi legjitimitetin e organeve drejtuese të Partisë Demokratike të Shqipërisë.
Në shkresë thuhet se Sali Berisha është personi i vetëm që mund të paraqesë për regjistrim, në emër të PD, kandidaturat për kryetar të bashkive dhe listat e këshilltarëve për cdo zonë zgjedhore.
Kerkesa per regjistrimin ne KQZ te PD
Shkresa percjellese e dokumentacioni per regjistrim subjekti zgjedhor
NDIQE LIVE "PANORAMA TV" © Panorama.al
