Komisioni Europian i ka akorduar Shqipërisë shumën 90 milionë euro, në kuadër të programit të ndihmës për pasojat e koronavirusit.
Shuma do të shërbejë për zbutjen e pasojave të rënda sociale dhe ekonomike që ka shkaktuar pandemia në Shqipëri, veçanërisht gjatë vitit 2020.
Transaksioni vjen pas Memorandumit të Mirëkuptimit me Shqipërinë, ku u përcaktuan edhe kushtet e politikave që duhet të plotësoheshin për këstin e dytë 90 milionë euro.
Më së shumti këto kushte të politikave lidhen me përmirësimin e qeverisjes si dhe rritjen e mbrojtjes sociale.
Shqipëria është vendi i tetë që merr një disbursim nga paketa emergjente e MPJ-së prej 3 miliardë eurosh për dhjetë partnerë të zgjerimit dhe fqinjësisë, i cili synon t’i ndihmojë ata të kufizojnë pasojat ekonomike të pandemisë së koronavirusit.
Në njoftim thuhet se përmes kësaj ndihme, BE-ja shpreh solidaritetin e saj dhe qëndron në krah të qytetarëve shqiptarë në këto kohë të vështira.
