Një 41-vjeçar ka humbur jetën si pasojë e një aksidenti. Ngjarja u regjistrua paraditen e kësaj të diele (6 tetor), në rrugën kombëtare Burrel-Klos.
Raportohet se 41-vjeçar u përplas për vdekje në rrugën e fshatit Kurdari pak metra larg kishës së fshatit.
Leonard Doçi po lëvizte në këmbë nga fshati Kurdari për në rrugën nacionale Klos-Burrel kur është goditur nga automjeti tip Benz më drejtues 19-vjeçarin Ergis Selimi.
Leonard Doçi është transportuar me urgjencë për në spitalin e Burrelit por për shkak të plagëve të marra ka humbur jetën.
Ndërkohë 19 vjeçari është shoqëruar në Komisariatin e Policisë Mat.
Në vendin e ngjarjes ka mbërritur grupi hetimor për të zbardhur shkaqet e vërteta të aksidentit ku paraprakisht dyshohet të jetë shpejtësia e lartë dhe lagështia në rrugë.
NDIQE LIVE "PANORAMA TV" © Panorama.al
