Një 56-vjeçar kosovar ka mbetur i plagosur si rezultat i një përplasje nga një kamion, drejtuesi i të cilit kryente manovra.
Ngjarja ka ndodhur në fshatin Bradashesh, kur kamioni i cili drejtohej nga shtetasi 63-vjeçar me inicialet N.I. gjatë kryerjes së një manovre ka përplasur një tjetër kamion të parkuar.
Si pasojë e kësaj përplasjeje, ka mbetur i dëmtuar aksidentalisht shtetasi kosovar me inicialet S.S., i cili ka qenë në afërsi të kamionit.
Elbasan/Informacion paraprak:
Në oborrin e firmës “Kurum”, në fshatin Bradashesh, automjeti kamion me drejtues shtetasin kosovar N. I., 63 vjeç, gjatë kryerjes së një manovre, ka përplasur një automjet kamion të parkuar.
Për shkak të goditjes, aksidentalisht është dëmtuar shtetasi kosovar S. S., 56 vjeç, i cili ka qenë në afërsi të kamionit.
56-vjeçari është dërguar në spital, për të marrë ndihmë mjekësore dhe ndodhet jashtë rrezikut për jetën.
Me shtetasin N. I. po kryhen veprimet procedurale.
Grupi hetimor vijon punën për përcaktimin e rrethanave të këtij rasti.
NDIQE LIVE "PANORAMA TV" © Panorama.al
