Të paktën 24 persona humbën jetën dhe pesë të tjerë u plagosën kur një autobus u përplas me një kamion mallrash në një autostradë në shtetin Zacatecas të Meksikës, thanë autoritetet lokale.
Aksidenti ka ndodhur në orët e para të mëngjesit kur autobusi që transportonte pasagjerë është përplasur me pjesën e pasme të kamionit që transportonte misër.
Guvernatori i shtetit David Monreal konfirmoi të dhënat dhe premtoi të mbështesë viktimat dhe të afërmit e tyre.
🚨 Tragedia en Zacatecas
Autobús cae a barranco tras choque con tractocamión, dejando al momento 24 muertos y varios heridos. Las autoridades trabajan para restablecer el tránsito en la autopista Zacatecas-Aguascalientes. #Zacatecas #Aguascalientes pic.twitter.com/h56OvNWUgZ— Contrapropuesta Mx (@ContraProMx) October 26, 2024
Një zyrtar lokal tha për Reuters se po vazhdojnë përpjekejet për të nxjerrë trupat që përfunduan në luginë si pasojë e përplasjes së fortq. Pamjet e postuara në faqet e mediave sociale tregojnë forcat e shpëtimit dhe të sigurisë, duke rrethuar zonën dhe duke transportuar viktimat.
Autobusi ishte nisur për në Ciudad Juarez, një qytet kufitar në shtetin e Chihuahua.
NDIQE LIVE "PANORAMA TV" © Panorama.al
