Pjesa më e madhe e Terminalit Jugor të Aeroportit Gatwick në Londër, është evakuuar këtë të premte në mëngjes për shkak të një incidenti sigurie.
Policia britanike tha se gjeti një send të dyshuar të ndaluar në një prej bagazheve të pasagjerëve gjatë kontrolleve.
Aeroporti thotë se po heton dhe se incidenti është në vazhdim, ndërsa Policia e Sussex ka dërguar një ekip për asgjësimin e eksplozivëve si një masë paraprake.
Në një postim në X, aeroporti tha: “Siguria e pasagjerëve dhe stafit tonë mbetet prioriteti ynë i parë. Ne po punojmë shumë për ta zgjidhur problemin sa më shpejt të jetë e mundur”.
Gatwick airport evacuation..flights cancelled 🇬🇧✈️ https://t.co/s2huFAqAwt
— Marco Pajo (@ISawMarcoPolo) November 22, 2024
“Mbërrita në Gatwick me një fluturim rutinë. Kalova në doganë dhe mora vesh që po evakuojnë të gjithë aeroportin ”, tha një pasagjer. “Edhe personat që kaluan sigurinë po nxirren jashtë. Trenat janë mbyllur dhe 1000 njerëz në të gjitha rrugët dhe parkingjet janë duke pritur”. Gatwick Express, kompania e trenave që u shërben pasagjerëve të aeroportit, gjithashtu lëshoi një deklaratë për këtë çështje, duke thënë se trenat e saj nuk do t’i afrohen aeroportit deri në një njoftim të dytë. “Policia dhe shërbimet e urgjencës po merren me një incident në aeroport. Për momentin, stacioni dhe aeroporti janë duke u evakuuar. Ne do t’ju këshillonim të shtyni udhëtimin tuaj deri më vonë këtë mëngjes”, u tha në deklaratë.
NDIQE LIVE "PANORAMA TV" © Panorama.alArrived at London Gatwick for routine connection. Got through customs to find out they’re evacuating the entire airport. Even people through security are being taken outside. Trains shut down and 1000’s of all over the streets and carparks waiting. pic.twitter.com/igXDpt9aQL
— Nick Meacham (@SportsProNick) November 22, 2024
