Falë një fotoje që ka realizuar pranë varrit të bosit famëkeq të drogës Pablo Escobar, një i arratisur nga mafia italiane është kapur nga autoritetet.
32-vjeçari Luigi Belvedere punonte si ndërmjetës me bandat kolumbiane të drogës dhe u arrestua pas gati katër vitesh kërkim në Amerikën e Jugut.
Në fakt, sipas BBC, ai është një nga njerëzit më të kërkuar në Itali dhe ishte në listën e qeverisë së vendit për të arratisurit më të rrezikshëm.
Policia italiane publikoi një imazh të Belvedere duke pozuar pranë varrit të Escobar kur njoftoi arrestimin e tij.
🚨ITALIAN MAFIA FUGITIVE CAUGHT IN COLOMBIA
Luigi Belvedere, a Camorra member sentenced to nearly 19 years for drug trafficking, was arrested in Medellin after being on the run since 2020.
Italian police, with EUROPOL’s help, tracked him using intercepted messages. Belvedere… pic.twitter.com/XvxeHkR9gf
— Mario Nawfal (@MarioNawfal) October 25, 2024
Pavarësisht se u arratis nga Evropa për të shmangur akuzat e trafikimit, ai vazhdoi të ishte “aktiv në organizimin e dërgesave të drogës nga Amerika e Jugut në Evropë”.
Ai vjen nga Caserta, një zonë në veri të Napolit dhe “i specializuar në importimin e paligjshëm të kokainës” dhe shërbeu si një pikë kyçe kontakti midis klaneve mafioze dhe prodhuesve kolumbianë të kokainës.
Në Itali ka bashkëpunuar me “Casalesi”, të cilët janë pjesë e organizatës mafioze Camorra.
Belvedere ishte në kërkim që nga dhjetori 2020, kur u dënua me gati 19 vjet burg për trafik ndërkombëtar droge.
Europol punoi me hetuesit kolumbianë për të gjetur Belventerin në rajonin Medellín, ku ai u gjet përfundimisht. Një zonë që ka një histori të gjatë me bandat e kokainës, duke shërbyer si bazë për kartelin me të njëjtin emër që formoi biznesin e drogës së Pablo Escobar.
NDIQE LIVE "PANORAMA TV" © Panorama.al
