Policia ka dhënë detaje nga atentati ndaj boksierit të Vllanisë, Arjon Kajoshi, ngjarje e ndodhur mesditën e sotme në lagjen Partizani të Shkodrës.
Ai po kthehej nga stërvitja kur ndaj mjetit ku udhëtonte është qëlluar me armë zjarri.
Sipas policisë, makina tip Range Rover është në pronësi të shtetasit me iniciale S. K., dhe nga të shtënat me armë s’ka pasur të lënduar.
Ngjarja ndodhi rreth orës 12:30, ndërsa janë ngritur pika kontrolli në hyrje-dalje të qytetit dhe vijojnë kontrollin në zonë për kapjen e autorit/ve.
“Rreth orës 12:30, në lagjen “Partizani”, dyshohet se është qëlluar me armë zjarri në drejtim të një automjeti “Land Rover” në lëvizje, në pronësi të shtetasit S.K.
Nga të shtënat nuk ka përsona të lënduar.
Shërbimet e Policisë kanë ngritur pika kontrolli në hyrje-dalje të qytetit dhe vijojnë kontrollin në zonë për kapjen e autorit/ve.
Grupi hetimor në drejtimin e Prokurorisë po punon për zbardhjen e rrethanave, sigurimin e provave me qëllim identifikimin dhe kapjen e autorit/ve, dhe dokumentimin ligjor të rastit”, raporton policia.
