Nëntë persona, duke përfshirë një fëmijë, janë vrarë pasi pajisjet e dorës të përdorura nga anëtarët e grupit të armatosur Hezbollah për të komunikuar shpërthyen në të gjithë Libanin, tha ministri i shëndetësisë i vendit.
Ambasadori i Iranit në Liban ishte mes 2800 personave të tjerë që u plagosën nga shpërthimet e njëkohshme në Bejrut dhe disa rajone të tjera.
Hezbollahu, i cili mbështetet nga Irani, tha se pajisjet i përkisnin “punonjësve të njësive dhe institucioneve të ndryshme të Hezbollahut” dhe konfirmoi vdekjen e 9 luftëtarëve.
Grupi fajësoi Izraelin për atë që e quajti “agresion kriminal” dhe u zotua se do të merrte hak. Ushtria izraelite nuk pranoi të komentojë.
Disa orë para shpërthimeve, kabineti i sigurisë i Izraelit tha se ndalimi i sulmeve të Hezbollahut në veri të vendit për të lejuar kthimin e sigurt të banorëve të zhvendosur ishte një qëllim zyrtar i luftës.
Ka pasur pothuajse çdo ditë shkëmbime zjarri përgjatë kufirit Izrael-Liban që pas fillimit të luftës midis Izraelit dhe Hamasit në Gaza më 7 tetor.
Hezbollahu ka thënë se po vepron në mbështetje të grupit palestinez të mbështetur nga Irani.
Në deklaratën e tij të fundit të mërkurën, Hezbollah tha se do të vazhdonte “operacionet në mbështetje të Gazës”, duke shtuar se kjo ishte “një rrugë e vazhdueshme e ndarë nga çmimi i rëndë që pret armikun në përgjigje të masakrës së tij të martën”.
Si Hezbollahu ashtu edhe Hamasi janë të ndaluara si organizata terroriste nga Izraeli, Britania e Madhe dhe vende të tjera.
Zëdhënësi i OKB-së tha se zhvillimet e fundit në Liban ishin “jashtëzakonisht shqetësuese, veçanërisht duke pasur parasysh se kjo po ndodh brenda një konteksti jashtëzakonisht të paqëndrueshëm”.
NDIQE LIVE "PANORAMA TV" © Panorama.al
