Ndërsa Donald Trump vazhdon të mbledhë kabinetin e tij, kongresmeni nga Florida, Mike Waltz, është emëruar si këshilltari i ri i sigurisë kombëtare për administratën e dytë të presidentit të zgjedhur.
Këshilltari për sigurinë kombëtare – një pozicion që nuk kërkon konfirmimin e Senatit – këshillon presidentin për kërcënime të ndryshme ndaj SHBA-së. Waltz do të ndihmonte në orientimin e pozicionit të SHBA-së për luftërat në Gaza dhe Ukrainë dhe çështjet e sigurisë.
Waltz, 50 vjeç, është një veteran ushtarak dhe një mbështetës prej kohësh i Trump. Ai është një veteran i ushtrisë, që ka shërbyer në Afganistan, Lindjen e Mesme dhe Afrikë.
Ligjvënësi i Dhomës së Përfaqësuesve, i cili kryeson Nënkomitetin e Shërbimeve të Armatosura, ka mbajtur një qëndrim të ashpër ndaj Kinës dhe ka argumentuar se SHBA duhet të bëjë më shumë për t’u përgatitur për konfliktin në Paqësor.
Në një postim në X, Waltz tha se ishte “thellësisht i nderuar” që shërbeu në kabinetin e Trump, duke shtuar: “Nuk ka thirrje më të lartë se mbrojtja e vlerave, lirive dhe sigurisë së çdo amerikani të kombit tonë”.
NDIQE LIVE "PANORAMA TV" © Panorama.al
