Ditën e sotme janë paraqitur në SPAK për të dhënë deklarime Agim dhe Zabit Deda, vëllezërit e Hekuran Dedës, një prej viktimave të “21 janarit”.
Zabit dhe Agim Deda do të merren në pyetje nga prokurorët e posaçëm për ngjarjen tragjike të 14 viteve më parë, ku gjatë një protestë të opozitës socialiste të asaj kohe humbën jetën 4 qytetarë të pafajshëm.
Më 21 janar të 2011, protestuesit Faik Myrtaj, Hekuran Deda, Aleks Nika dhe Ziver Veizi mbetën të vrarë nga armët e Gradës së Republikës gjatë një demonstrate të opozitës kundër korrupsionit të dyshuar të qeveritarëve të kohës.
Dosja tashmë është në duart e SPAK pas urdhrit të Gjykatës së Lartë dhe një vendim të Strasburgut që e quajti qartë krim shtetëror.
Kjo çështje është në hetim paraprak, dhe se po bëhen hetime shumë intensive thuajse të përditshme, por dinamika e ngjarjes është e atillë, që sjell nevojën për veprime hetimore të shumta.
NDIQE LIVE "PANORAMA TV" © Panorama.al
