Drejtues politik në një qark problematik, Ervin Salianji paralajmëron: Nuk shmangem, do jem përballë çdo beteje

Ervin Salianji është drejtuesi politik i PD në qarkun e Elbasanit, një nga qarqet më problematike gjatë fushatave elektorale.

I ftuar në News24, ai tha se do jetë përballë cdo situate dhe kudo që do ketë problematike, ndërsa theksoi se “në këtë fushatë do të kemi forcën e argumentit për të bërë një garë që të fitojnë qytetarët në bazë të alternativës”

“Është një nga tre qarqet më të mëdhenj dhe me problematika të caktuara, qoftë për shkak të problematikave. Një qark që në vend të diskutohet për qytetarin dhe vlerat, është folur për ngjarjet kriminale.

Në këtë fushatë do të kemi forcën e argumentit për të bërë një garë që të fitojnë qytetarët në bazë të alternativës. Unë do jem përballë cdo situate, do jem në cdo zonë, pa tentuar për të pasur mbrojtjen e njerëzve.

Do jem në cdo cep të territorit, do ta shikoni. Do jem aty ku do jetë problematika. Nuk besoj se do ketë problematika. Unë e kam treguar që përballem, nuk shmangem”, tha deputeti i PD.

LEXO EDHE: “Rrumbullaku, kokë turku për skandalin e TIMS”- Salianji dyshime për zgjedhjen e Drejtorit të Përgjithshëm të Policisë së Shtetit: Tenderim te grupet kriminale se cili do të influencojë më shumë

 

NDIQE LIVE "PANORAMA TV" © Panorama.al