Ylli shqiptar me famë botërore Dua Lipa është jashtëzakonisht e suksesshme, e talentuar dhe e pasur. Këngëtarja di se si ta përdorë fizikun e saj për të mbajtur vëmendjen e të gjithëve.
Këngëtarja 29-vjeçare pritet të ketë një tjetër vit të suksesshëm pasi sipas ekspertëve zotëron të gjithë paketën e cilësive të nevojshme për të pasur sukses në industrinë konkurruese të argëtimit. Dhe padyshim që ajo e ka nisur shkëlqyeshëm këtë viti të 2025.
Përveç fejesës me aktorin Callum Turner, së fundmi u zbulua se pasuria neto e Duas e cila është rritur në 100 milionë dollarë, vlerë e cila tregon se vetëm për 1 vit, Dua ka shtuar në llogarinë e saj 12 milionë dollarë.
Sipas drejtoreshës së PR të Borne Media dhe ekspertit të industrisë, Denise Palmer Davies, e ardhmja e artistes do të jetë mjaft e mirë.
Dua kombinon talentin, bukurinë, inteligjencën dhe autenticitetin në paketën e përsosur, siç citohet në një raport nga The US Sun.
