Janë proceduar penalisht dy punonjës të policisë, të cilët dyshohet se nuk kanë kryer veprime të plota hetimore për vënien para përgjegjësisë ligjore të personave të cilët dhunuan 3-vjeçaren në ambientet e kopshtit “Stinët”.
Të proceduar janë nënkomisari Ylli Çako, me detyrë Shef Seksioni për Hetimin e Krimeve, si dhe nënkomisiari me iniciale B.R., specialist për Hetimin e Krimeve.
AMP bën me dije se ka referuar për vlerësim në Prokurorinë Pranë Gjykatës së Shkallës së Parë të Juridiksionit të Përgjithshëm Tiranë, materialet procedurale në ngarkim të dy punonjësve të Komisariatit Nr. 1, për “Shpërdorim detyre”.
Ndërkohë me urdhër të Drejtorit të Përgjithshëm të Policisë së Shtetit, janë pezulluar nga detyra dhe ka nisur hetim administrativ nga Drejtoria e Standardeve Profesionale për 3 oficerë policie.
Njoftimi i policisë
Në vijim të verifikimit për veprimet apo mosveprimet e punonjësve të Policisë së Shtetit, lidhur me hetimet për rastin e të miturës tek Kopshti ‘Stinët’ në Tiranë, Drejtoria Rajonale e Agjencisë së Mbikëqyrjes Policore Tiranë (AMP) ka referuar për vlerësim në Prokurorinë Pranë Gjykatës së Shkallës së Parë të Juridiksionit të Përgjithshëm Tiranë, materialet procedurale në ngarkim të dy punonjësve të Komisariatit Nr. 1, për “Shpërdorim detyre”.
Të proceduar janë oficerët:
– Nënkomisar Ylli Çako, me detyrë Shef Seksioni për Hetimin e Krimeve;
– Nënkomisar B.R., specialist për Hetimin e Krimeve, në këtë Komisariat.
Nga tërësia e veprimeve hetimore të kryera pas denoncimit në Polici dhe publikimit në emisionin investigativ “Stop”, ka dyshime se punonjësit e Policisë nuk kanë kryer veprime të plota hetimore për vënien para përgjegjësisë ligjore të personave që kanë kryer keqtrajtimin e të miturës në ambientet e kopshtit “Stinët” në datë 1 nëntor.
Ndërkohë me urdhër të Drejtorit të Përgjithshëm të Policisë së Shtetit janë pezulluar nga detyra dhe ka nisur hetim administrativ nga Drejtoria e Standardeve Profesionale për 3 oficerë policie.
NDIQE LIVE "PANORAMA TV" © Panorama.al
