Të hënën Tirana dhe Liridon Latifi kanë për balljen përfundimtare për gjyqin që po diskutojnë. Edhe pse seanca ka qenë këtë javë, çështja është shtyrë për javën tjetër.
Në seancën e radhës do të merret vendimi përfundimtar. Kujtojmë që lojtari ka një kontratë trevjeçare me Tiranën, por pas sezonit të fundit, gjërat mes palëve u përkeqësuan. Në fakt, lojtari ka çuar klubin në gjyq dhe pritet që Dhoma Kombëtare e Zgjidhjes së Konflikteve të japë vendimin e saj për çështjen, nëse do t’i japë të drejtë Latifit apo ekipi të Tiranës.
LEJA – Në fakt, Latifi është federuar te Shkëndija, por me një leje të përkohshme nga FIFA që të mos bllokonte lojtarin i dha të drejtë Latifit të firmoste me skuadrën shqiptare nga Maqedonia e Veriut.
STATISTIKAT – Liridon Latifi firmosi verën e shkuar me ekipin e Tiranës. Në një vit futbollisti ka luajtur 36 takime. Po kështu, ka shënuar 9 gola si dhe ka dhënë dy asiste. Në fushë ka qenë 2512 minuta. Lojtari ka munguar vetëm në 9 takime, pasi ka qenë i dëmtuar. Te Shkëndija, 30-vjecari u transferua nga Tirana, ndërsa gjatë karrierës ka luajtur edhe për Kukësin e Vllazninë, Skënderbeun duke fituar gjithçka me korçarët.
Latifi karrierë ka pasur edhe klubet e huaja Pushkash Akademia dhe Sherif Tiraspol. Ai ka qenë edhe pjesë e Shqipërisë U-19 dhe U-21 si dhe Kombëtares A. Futbollisti, karrierën e ka nisur në vitin 2005 te Flamurtari i Prishtinës, ndërsa më pas e vazhdoi te Prishtina.
OLSI AVDIAJ – PANORAMASPORT.AL
NDIQE LIVE "PANORAMA TV" © Panorama.al
