Një 45-vjeçare ka rënë në prangat e policisë së Fierit, pasi rezultonte e shpallur në kërkim për veprat penale “shfrytëzim prostitucioni” dhe “mbajtje e lokaleve për prostuticion”.
Burime për panorama.al bëjnë me dije se tutorja e arrestuar është identifikuar me emrin Yllka Nuraj, banuese në fshatin Ruzhdijë në Patos.
45-vjeçarja është dënuar gjykata e Fierit me 3 vjet e 4 muaj burg për veprat penale “Shfrytëzim Prostuticioni”, dhe “Mbajtje e lokaleve për prostuticion”.
“Specialistët e Sektorit për Hetimin e Trafiqeve të DVP Fier ndaluan shtetasen e shpallur në kërkim Y. N(Xh)., 45 vjeçe, banuese në fshatin Ruzhdije, Patos, pasi gjykata e Fierit e ka dënuar me 3 vjet e 4 muaj burg për veprat penale “Shfrytëzim Prostuticioni”, dhe “Mbajtje e lokaleve për prostitucion”, njofton policia.
Nuraj ushtronte veprimtarinë e jashtëligjshme me klientët një lokali në Fier kundrejt shumës 3000 deri në 5000 lekë.