Një 19-vjeçar shqiptar, Rodgers Cena, është zhdukur në mënyrë misterioze prej disa ditësh në Peckham, të Anglisë.
Siç raportojnë mediat angleze, familja e të riut shqiptar prej disa ditësh nuk ka asnjë komunikim dhe të dhënë për vendosjen e djalit të tyre, i cili u zhduk gjatë rrugës për në një dyqan lokal në Peckham të mërkurën, 22 janar.
Familjarët e 19-vjeçarit kanë treguar se telefoni i Rodgers u zbulua 17 milje larg në Ëaltham Cross , një zonë krejtësisht e panjohur për të.
I riu mësohet se ishte nisur për të bërë pazare më kërkesë të prindërve të tij. Babai i tij, Eduart Cena, shpjegoi se pas një kohe pa marrë lajme nga ai, familja u bë gjithnjë e më e shqetësuar.
Ata u përpoqën të telefononin Rodgers në mënyrë të përsëritur, por telefoni i tij mbeti pa përgjigje dhe së shpejti, mesazhet nuk po kalonin më.
“Pas një kohe, ne filluam të shqetësoheshim shumë,” tha Eduarti. “Kam kontrolluar çdo dyqan në Peckham , madje edhe CCTV-në në Lidl ku ai duhej të bënte pazar, dhe ai nuk ishte kurrë atje. Ai kurrë nuk ka bërë diçka të tillë më parë.”
Rodgers, i cili përshkruhet si djal i heshtur dhe i rezervuar, ishte transferuar kohët e fundit në Peckham me familjen e tij, por prindërit e tij vunë në dukje se ai nuk ishte nga ata që dilnin shpesh ose kalonin kohë larg shtëpisë.
Duke shtuar misterin, telefoni i Rodgers u gjurmua më vonë në një zonë pranë M25 në Ëaltham Cross, një zonë me të cilën familja e tij këmbëngul se ai nuk ka lidhje. Gjurmimet e mëtejshme treguan se Rodgers ishte më vonë në zonën e Liverpool Street, duke ngatërruar më tej kërkimin e familjes.
Eduarti shprehu konfuzionin e tij duke thënë: “Ai qëndron gjatë gjithë kohës në shtëpi, duke luajtur lojëra. Nuk i pëlqente të dilte jashtë. Është kaq e çuditshme që ai do të përfundonte në të gjitha këto vende të ndryshme.”
Rodgers u pa për herë të fundit i veshur me një pallto të errët, një kapuç gri dhe atlete të errëta.
Familja tani po kërkon çdo informacion që mund të ndihmojë në sjelljen e Rodgers në shtëpi.
“Unë thjesht dua të dëgjoj nga ai dhe të di se ai është mirë,” tha babai i tij, me lotësh. “Nuk kemi mundur të flemë fare. Ne duam që ai të kthehet në shtëpi”, tha ai i prekur.
NDIQE LIVE "PANORAMA TV" © Panorama.al
