Një aksident automobilistik është regjistruar pasditen e kësaj të shtune (3 shkurt) në aksin rrugor Fier-Fermë Çlirim.
Sipas informacioneve paraprake, dy automjete janë përplasur me njëra- tjetrën, duke lënë të dëmtuar dy drejtues automjetesh dhe dy pasagjerë, të cilët janë transportuar menjëherë me ambulancë drejt Spitalit Rajonal të Fierit.
Të lënduarit po marrin ndihmën mjekësore, dhe janë jashtë rrezikut për jetën.
Ne vendngjarje ka mbërritur policia dhe grupi hetimor të cilët po punojnë për zbardhjen e dinamikes se këtij aksidenti me të lënduar dhe dëme të konsiderueshme materiale.
Njoftimi i policisë:
Fier/Informacion paraprak
Rreth orës 17:00, në aksin rrugor “Fier-Seman”, në fshatin Ferm Çlirim, automjeti tip “Benz” me drejtues shtetasi M. L., 57 vjeç, është përplasur me automjetin tip “Toyota”, me drejtues shtetasi Dh. L., 37 vjeç .
Për pasojë janë dëmtuar drejtuesit e automjeteve, shtetasit M. L., Dh. L., si dhe dy pasagjeret e automjetit tip “Toyota” shtetaset I. D., dhe A. D., të cilët ndodhen në spital, në kujdesin e mjekëve.
Grupi hetimor vazhdon veprimet në vendngjarje për zbardhjen e plotë të rrethanave të aksidentit.
NDIQE LIVE "PANORAMA TV" © Panorama.al
