Eslemvera Zake është një emër i ri në politikën tonë, duke ardhur në Parlament vitet e fundit. Deputetja simpatike është shfaqur sesionin e shkuar në seancë plenare me një fustan mbi gju, duke marrë vëmendjen e të gjithë të pranishmëve.
Veshjen me ngjyra ajo e kishte kombinuar me sandalet me taka të larta, duke sjellë pamjen e një pasarele mode më shumë sesa të një ligjvënëse. Por mund të themi që për deputeten e Partisë Socialiste, kjo pamje i përket së shkuarës.
Në nisjen e vitit të ri parlamentar, Zake duket se ka zënë “mend”. Gjithsesi, duket se veshja dhe stili i saj, ndonëse ka ndryshuar, ende vijon të jetë e apasionuar pas markave luksoze.
Këtë javë, deputetja kishte përzgjedhur një kostum bojë qielli, duke qenë e kombinuar në çdo detaj, por nuk kishte sesi t’i shpëtonte vëmendjes sonë çanta “Elisabeta Franchi”, një markë kjo italiane, që duhet thënë çmimet nuk i ka dhe shumë të lira. Por për Eslemverën është e përballueshme një çantë e markës së famshme.
