Një aksident i rëndë ka ndodhur në unazën e qytetit të Fierit. Një këmbësor është goditur nga një automjet dhe si pësojë e përplasjes dhe dëmtimeve të forta në koka, ai ka ndërruar jetë.
Edhe pse ai u transportua menjëherë drejt spitalit, nuk ka mundur të mbërrijë i gjallë, pasi ka ndërruar jetë për shkak të plagëve të marra.
Mësohet se i moshuari ka qenë duke kaluar rrugën në momentin kur është përplasur nga makina.
Ndërkohë policia dhe grupi hetimor shkuan në vendngjarje për të zbardhur dinamikën e aksidentit.
Fier/ Informacion paraprak
Rreth orës 13:15, në rrugën “Skënderbej”, Fier, shtetasi M. J., 47 vjeç, duke drejtuar automjetin, ka përplasur këmbësorin, shtetasin L. Ç., 81 vjeç.
Si pasojë e përplasjes shtetasi L. Ç., ka humbur jetën.
Shërbimet e Policisë kanë shoqëruar drejtuesin e automjetit, shtetasin M. J., në Komisariat për veprime të mëtejshme.
Grupi hetimor po punon për sqarimin e plotë të rrethanave të aksidentit.
NDIQE LIVE "PANORAMA TV" © Panorama.al
