Presidenti i Francës, Emmanuel Macron, ka dekoruar mbrëmjen e sotme (16 tetor) shkrimtarin e shquar shqiptar, Ismail Kadare me gradën e “Oficerit të Madh të Legjionit të Nderit”.
Macron nisi vizitën e tij të parë zyrtare në Shqipëri në Pallatin e Kongreseve, ku dhe i dorëzoj Kadaresë dekoratën.
Kjo është hera e parë që një president francez viziton vendin tonë.
Për shkak se e shtyu me disa orë vizitën e tij, Macron ka humbur punimet e samitit BE-Ballkani Perëndimor në kuadër të Procesit të Berlinit edhe pse më herët e kishte konfirmuar pjesëmarrjen.
Ndërkohë është zbardhur agjenda e takimit të ditës së nesërme (17 tetor) ku Macron se do të takohet me Presidentin e Republikës së Shqipërisë, Bajram Begaj.
Agjenda e plotë:
Presidenti i Republikës së Francës, Emmanuel Macron, do të zhvillojë një vizitë zyrtare në Shqipëri.
Nesër më 17 tetor 2023 Presidenti francez do të takohet me Presidentin e Republikës së Shqipërisë, Bajram Begaj.
Më poshtë agjenda e vizitës në Presidencë:
8:25 -Mbërritja e Presidentit të Republikës Franceze në Institucionin e Presidentit të Republikës.
Presidenti i Republikës franceze do të pritet nga Presidenti i Republikës, Sh.T.Z. Bajram Begaj.
-Interpretohet himni kombëtar francez;
-Interpretohet himni kombëtar shqiptar;
-Kryhet kalimi para truprojës së nderit;
-Dy krerët e shteteve prezantojnë ekipet e tyre respektive.
Presidenti i Republikës së Francës ftohet të nënshkruajë në librin e të ftuarve.
Në hollin ”Nënë Tereza” do të bëhet fotoja zyrtare.
08:35 – 09:05 – Takim kokë më kokë mes dy presidentëve.
NDIQE LIVE "PANORAMA TV" © Panorama.al
