Një fabrikë këpucësh është përfshirë nga flakët dhe për pasojë është djegur plotësisht.
Ngjarja ka ndodhur në Shullaz të Kurbinit, ndërsa sipas informacioneve paraprake raportohet për dëme të shumta materiale. Për fat të mirë nuk ka persona të lënduar.
Në drejtim të vatrës së zjarrit në fabrikën e këpucëve “Alba Shoes”, Kurbin janë nisur për t’u ardhur në ndihmë dhe 3 mjete zjarrfikëse nga bashkia Tirana dhe 1 mjet zjarrfikës nga bashkia Krujë.
Ende nuk dihen arsyet e rënies së zjarrit, ndërsa policia dhe grupi hetimor po punojnë për zbardhjen e ngjarjes.
NDIQE LIVE "PANORAMA TV" © Panorama.al
