Ky është momenti, kur Marklen Haka është shoqëruar për në Drejtorinë e Policisë në Tiranë. I forti i Niklës, u vu në pranga sot (6 shtator) në zonën e Niklës, ndërsa ishte i shpallur në kërkim.
Siç duket në këto pamje, Haka shoqërohet për në Drejtorinë e Policisë së Tiranës nga forcat RENEA, ndërsa shihet të jetë i zbathur.
Dyshohet se prej kohësh fshihej në Dubai, por se së fundmi policia kishte informacione se fshihej në Nikël, ku u prangos pas operacionit sekret.
Mësohet se prangosja e 33-vjeçarit është bërë në një operacion sekret nga policia në zonën e Fushë Krujës.
Kush eshte Marklen Haka?
Marklen Haka është një emër i njohur në botën e krimit dhe për drejtësinë shqiptare.
Pjesë e bandës së Niklës dhe i akuzuar për disa vepra penale dhe i shpallur në kërkim në kuadër të operacionit ‘Revanshi’’ i kryer nga SPAK.
Marklen Haka u ka shpëtuar disa atentateve, në njërin prej të cilëve e vdekur mbeti halla e tij. Ai arriti të shpëtonte vetëm me një plumb në krah sepse ishte në oborr kur filluan të shtënat.
Ndërsa në janar të 2022 ai u prangos nga RENEA-s pas një operacioni që çoi në arrest 19 persona, por u la i lirë sërish
Haka ka përfunduar për herë të parë në pranga kur ishte 20 vjeç, i dyshuar për një vepër të rëndë penale, atë të vrasjes. Ai u arrestua më 29 qershor të vitit 2011, i dyshuar nga Prokuroria e Tiranës si autori i vrasjes së biznesmenit Nadien Zenelit mbrëmjen e 13 qershorit të po atij viti, në një nga baret tek ish-Blloku në kryeqytet.
I shoqëruar pas ngjarjes, i arrestuari Mariglen Haka ka mohuar vrasjen dhe ka pohuar se nuk ka qenë në Tiranë ditën e ngjarjes. Megjithatë, Haka u la i lirë pas disa muajsh, pasi nuk u arrit t’i faktohej vepra penale, për të cilën ishte arrestuar dhe Prokuroria nuk kishte prova të mjaftueshme për ta shpallur të fajshëm.
Më tej në 12 shtator të vitit 2018, Mariglen Haka u arrestua bashkë me të atin e dy persona të tjerë, pasi Policia arriti të gjente vetëm disa armë pa leje.
Në lidhje me këtë arrestim, Haka u dënua me 1 vit heqje lirie, dënimin që e përfundoi në korrik të 2019. Dy muaj më pas e plagosën. Po ashtu, Haka njihet për miqësinë me Valter Bamin, vëllain e Durim Bamit, i cili e transportoi të plagosur në spital në 2019-ën.
Tashmë që ra në pranga sërish, Marklen Haka do të përballet me drejtësinë shqiptare pasi më 31 gusht u raportua se u arrestua në Dubai aty ku fshihej kohët e fundit.
Teksa ajo që u zbulua nga zbërthimet e Skyy Eç, ku Haka akuzohet se ka tentuar të eliminojë ish mikun e tij, Durim Bamit.
NDIQE LIVE "PANORAMA TV" © Panorama.al
