Princesha Kate Middleton, bëri daljen e saj të parë publike që kur njoftoi se kishte përfunduar kimioterapinë.
Kate u pa duke marrë pjesë së bashku me Mbretin Charles, Mbretëreshën Camilla dhe bashkëshortin e saj Princin William në një kishë në Balmoral, Skoci.
Middleton, e veshur me një kapelë ngjyrë kaki dhe një palë vathë ari, u fotografua në sediljen e pasagjerit të makinës, e cila drejtohej nga bashkëshorti i saj.
Vetëm javën e kaluar u bë e ditur se ajo u rikthye në punë pas përfundimit të disa muajve të trajtimit për kancerin nga i cili ajo vuan.
Sipas Daily Mail, Middleton drejtoi një takim si pjesë e iniciativës së saj të fëmijërisë së hershme. Para kësaj, takimi i fundit zyrtar ku ajo kishte marrë pjesë ishte më 6 dhjetor 2023.
Pjesën tjetër të kohës ajo punoi nga shtëpia dhe shmangi plotësisht daljet publike, ndërsa shtrimi dhe trajtimi i saj në spital vazhduan.
Në verë ajo bëri dy paraqitje publike, në paradën vjetore të Mbretit Trooping the Color dhe në finalet e Wimbledon. Në videon në të cilën njoftoi përfundimin e trajtimit, ajo tha se ka planifikuar pak dalje publike deri në fund të vitit, megjithëse do të fokusohet të bëj gjithçka për të qëndruar e pastër nga kanceri.
