Ashtu siç ishte paralajmëruar, Policia Rrugore ka nisur të vendosë gjoba për qytetarët që nuk zbatojnë Kodin Rrugor.
Për këmbësorët që i kanë rënë rrugës shkurt, duke mos kaluar në vendin e përcaktuar (vijat e bardha), gjoba ka qenë 1,000 lekë të rinj.
Këmbësorëve u merret karta e identitetit dhe kur paguajnë gjobën u kthehet.
Burime bëjnë me dije se qytetarët që shkelin rregullat dhe nuk kanë mjet identifikues me vete (ID ose pasaportë) do të shoqërohen në komisariat.
Me nisjen e këtij viti, mësohet se në qarkun Elbasan deri më tani janë aplikuar të 50 gjoba ndaj këmbësoreve
Kujtojmë se qytetarët shpesh bëhen burim aksidenti duke mos kaluar në vendet e përcaktuara. Aksidentet në të shumtën e rasteve kanë qenë fatale për këmbësorët, të cilët janë përplasur nga makinat.
NDIQE LIVE "PANORAMA TV" © Panorama.al
