Me kërkesë të Prokurorisë së Krimeve të Rënda, Policia e Shtetit ka verifikuar të dhënat në sistemin TIMS për udhëtimet që ka kryer Ermal Hoxha gjatë 4 viteve të fundit, duke zbuluar 32 të tilla.
“Panorama” shkruan sot se dy rruget e fundit te tij kane qene ne Belgjike e Greqi, ku u kthye me dy kolumbianet e arrestuar brenda laboratorit ne Xibrake te Elbasanit.
Kërkesa është bërë për llogari të procedimit penal në lidhje me grupin e kokainës që u arrestua gjatë operacionit “Xibraka”, pjesë e të cilit dyshohet të jetë edhe nipi i ish-diktatorit Enver Hoxha.
Sipas burimeve nga grupi hetimor, të dhënat zyrtare të Policisë, me datat, oraret dhe destinacionin që ka pasur Ermal Hoxha gjatë këtyre udhëtimeve, i janë përcjellë organit të akuzës. Ndërsa në ditët në vazhdim pritet që 39- vjeçari të japë shpjegime para hetuesve rreth qëllimit të vizitave të tij të shpeshta, kryesisht në Malin e Zi, Maqedoni e Kosovë, ku numri i udhëtimeve ka qenë edhe më i madh.
Hera e fundit që Ermal Hoxha ka dalë nga Shqipëria, ka qenë data 14 nëntor 2014, nga Rinasi në drejtim të Brukselit, në Belgjikë, ku ka qëndruar 3 ditë dhe është kthyer në Tiranë, po nga Aeroporti i Rinasit, më 17 nëntor të vitit të kaluar. Ndërsa të gjitha udhëtimet e tjera jashtë vendit, ai i ka kryer në rrugë tokësore, duke përdorur automjete të marra me qira, si dhe të miqve të tij.
Lajmin e plote e lexoni sot ne “Panorama” print
NDIQE LIVE "PANORAMA TV" © Panorama.al
