Një histori ‘delikate’ është ajo e Aleksandër Vaqos, i cili rrëfeu në emisionin “Shqipëria live” dramën e jetës së tij, kur gjeti ish-gruan me një burrë tjetër në shtëpi:
“Hapa derën dhe gjeta dashnorin e gruas dhe gocën e vogël në shtëpi. Kërkova shpjegime, më tha është bojaxhiu, kushëri i largët. I kërkova kartën e identitetit, nuk ma dha, iku me vrap. Por, kishte harruar telefonin në dhomën e gjumit dhe më vonë verifikova që ishte dashnori. Vajza e vogël u shpreh qartë, tha që ai xhaxhi ka ardhur dhe 5 herë të tjera. Në atë kohë, unë nuk isha ndarë nga gruaja, thjesht isha larguar nga shtëpia”, rrëfeu ai.
Por, historia shkon më tej, pasi Vaqo pretendon se vajza e madhe, 14 vjeçe ka lidhje me disa persona dhe është shfrytëzuar për prostitucion.
Madje, thotë se për këtë gjë ish-gruaja, njëkohësisht mamaja e vajzës, është në dijeni.
“Gruaja lejon Semihanë, të ketë lidhje me disa njerëz, që e ushtrojnë për prostitucion. Kanë ardhur me grupe në shtëpi dhe kanë abuzuar me vajzën e madhe. Ajo është në një rrjet prostitucioni. Mua më kanë gënjyer në shumë aspekte, goca nuk ka qenë në shtëpi, ka foto, video me të tjerë, nën efektin e alkoolit”, thotë ai.
Vetë Semihaja e ka akuzuar të atin për ngacmim seksual dhe ka kërkuar urdhër mbrojtjeje ndaj tij.
“Unë thashë që fotot, videot do t’i çoj në polici, ajo më tha do të bëj atë që nuk ta ka bërë njeri. Më futën në birucë, më thanë do dënohesh 8 vite se goca të ka akuzuar për përdhunim, ngacmim seksual, rreth një muaj më parë. Por, dola, me ndihmën e një avokati”.
Ai shton se Semihaja ka marrëdhënie me një vajzë 19-vjeçare, që hiqet si djalë, e quajtur Joana. Pretendimet e tij shkojnë më tej: “Për hir të fëmijëve, e fala Brolindën (ish-gruan) dhe ndenja në shtëpi. Një natë kanë ardhur 4-5 veta në shtëpi. Donin të rrëmbenin gocën, trokitën, bënë çmos të hapnin derën, sa më panë mua, ikën me vrap.
Më merrnin në telefon, thoshin na sill vajzën se të vramë. Nuk e mora policinë, nuk e mendova aq gjatë. Të nesërmen në darkë, goca ikën me këtë grupin. Brolinda, e shqetësuar në mënyrë fallco, tha më kanë rrëmbyer gocën, dolëm ta kërkojmë në mes të natës. Për çudi, gruaja kishte të gjithë numrat e kontaktit të Joanës, vajzës që hiqet si djalë dhe është e dashura e vajzës sime. Policia ma solli gocën në 11 e 30, nuk më thanë asgjë ku e kishin gjetur. Na këshilluan të mos e largonim nga Joana”.
Sot, Aleksandri kërkon kujdestarinë e vajzës së vogël dhe “riedukimin e vajzës së madhe”. “Nuk jemi të aftë nga ana emocionale që të kujdesemi dhe ta ruajmë atë. E ëma e ka çuar vetë gocën nëpër hotele. Dua që të dyja vajzat të largohen nga ajo shtëpi“, apelon babai i dy vajzave./tch
NDIQE LIVE "PANORAMA TV" © Panorama.al
