Në verën e vitit 2022, Milani nënshkroi me Divok Origin si lojtar i lirë, me një kontratë katërvjeçare me vlerë 4 milionë euro në sezon. Në sezonin e tij të parë me kuqezinjtë, sulmuesi belg bëri 36 paraqitje dhe shënoi 2 gola, duke zhgënjyer pritshmëritë.
Pas huazimit të sezonit të kaluar te Notingeam Forest, belgu u rikthye te kuqezinjtë. Megjithatë, në korrik, Zlatan Ibrahimoviç njoftoi se ai dhe Fode Balo-Ture do të luanin për “Milan Futuro” në Serinë C dhe se nuk do të ishin pjesë e Ekipit të Parë.
Mbrojtësi, të paktën, po luan me skuadrën e drejtuar nga Bonera edhe pse në ndeshjen e parë ai u përjashtua me karton të kuq. Divok Origi, megjithatë, nuk e pranoi këtë mundësi minutazhi dhe sipas “La Gazzetta dello Sport” ai stërvitet me një trajner në Romë por edhe në Firence, por nuk ka punuar asnjëherë me skuadrën e Fonsekës.
Aventura e tij me Milanin është në fundin e saj, por ai duhet të qëndrojë në Itali për një pjesë të sezoni, sepse, siç zbulohet nga e përditshmja, kjo është e vetmja mënyrë për të përfituar nga avantazhet e Dekretit të Rritjes. Dhe këtu flasim për kontratën e tij, e cila rëndon në arkat e Milanit dhe skadon më 30 qershor 2026. Në verë dukej i mundur një transferim në Turqi, por në fund nuk u bë asgjë. 29-vjeçari do të vazhdojë të stërvitet me një trajner personal dhe në janar mund të ndryshojë klub.
PANORAMASPORT.AL
NDIQE LIVE "PANORAMA TV" © Panorama.al
