Injigo Martinez duket se ka gjetur veten e tij në Barcelonë. Pas golit të tij të parë në La Liga ka ardhur dhe rrjeta parë në Ligën e Kampioneve.
Ai i ka shënuar golin që i ka çelur rrugën fitores së Barcelonës në Beograd 5-2. Duke folur për ndeshjen, mbrojtësi i Barçës nuk e ka fshehur kënaqësinë e tij.
“Jam shumë i kënaqur për golin dhe për fitoren. Po shijoj çdo minutë që po luaj dhe kjo më lejon të shprehem maksimalisht. Gjërat po bëhen shumë mirë. Ka të tjerë që nuk e bëjnë, veçanërisht kur skuadra e ul atë pikë intensiteti. Nëse përmirësohemi do të jemi një ekip i madh. Tani për të shijuar fitoren, jemi shumë të lumtur”, deklaroi ai.
Por mbrojtësi ka dhe një paralajmërim për shokët e tij.
“Jo gjithçka do të shkojë mirë gjithnjë. Do të vijnë dhe ditë të vështira, do të vijnë dhe ndeshje më të ndërlikuara, sepse askush nuk të fal gjë. Prandaj duhet të jemi të përgatitur”, tha ai.
PANORAMASPORT.AL
NDIQE LIVE "PANORAMA TV" © Panorama.al
